Shreya Maskar
नृत्यांगना गौतमी पाटील गेल्या अनेक दिवसांपासून 'हिल पोरी हिला...' या गाण्यामुळे चांगलीच चर्चेत आहे. गौतमीच्या नवीन गाण्याला प्रेक्षकांकडून भरपूर प्रेम मिळत आहे.
'हिल पोरी हिला...' या गाण्यातून पहिल्यांदाच गौतमी पाटील आणि कॉमेडी किंग भाऊ कदम यांची जोडी एकत्र प्रेक्षकांच्या भेटीला आली आहे.
'हिल पोरी हिला...' हे गाणे ५ जूनला रिलीज झाले आहे. हे गाणे गायक रोहित राऊत आणि गायिका सोनाली सोनावणे यांनी आपल्या सुरेल आवाजात संगीतबद्ध केले आहे.
गौतमी पाटील आणि भाऊ कदम यांच्या गाण्याचे शूटिंग दरम्यानचे फोटो समोर आले आहे. गौतमीने फोटोज सोशल मीडियावर शेअर केले आहे.
फोटोंमध्ये गौतमीने लाल रंगाची सुंदर नऊवारी साडी नेसली आहे. कपाळावर लाल रंगाचा टिळा, केसात गजरा आणि गोल्डन ज्वेलरीने गौतमीने हा लूक पूर्ण केला आहे. पारंपरिक लूकमध्ये गौतमी खूपच सुंदर दिसत आहे.
फोटोंमध्ये गाण्याची शूटिंग करताना गौतमी पाटीलची मजा-मस्ती पाहायला मिळत आहे. तसेच तिचे सौंदर्य लाजवाब आहे. चाहते भरभरून फोटोंवर कमेंट्स करत आहेत.
एका युजरने फोटोंवर कमेंट केली की, "हिल हिल पोरी हिला तुझ्या प्रेमात झालो फिदा...", दुसऱ्या एका युजरने लिहिलं की, "तू खूपचं सुंदर दिसते, तुझी स्माइल खूपच गोड आहे..."
गौतमी पाटील आजवर अनेक गाण्यांमध्ये झळकली आहे. तसेच ती मराठी मालिकांमध्येही दिसली आहे. साधा-भोळा स्वभाव, सुंदर नृत्य कौशल्य आणि सौंदर्यामुळे गौतमी पाटीलने प्रेक्षकांना आपल केले आहे.