Manasvi Choudhary
गणेशोत्सव हा घरात सकारात्मक ऊर्जा आणि आनंद आणणारा सण मानला जातो. वास्तुशास्त्रानुसार या काळात काही सोपे उपाय केल्याने घरात सुख- समृद्धी नांदते.
गणेशोत्सवात आर्थिक समृद्धी आणि घरातील सकारात्मक उर्जा निर्माण करण्यासाठी 5 सोपे वास्तु उपाय करावेत.
गणेशोत्सवात बाप्पाची मूर्ती उत्तर किंवा पूर्व दिशेला असावी. ही दिशा धनाची देवता मानली जाते.
गणेशोत्सवात गणपती पूजेच्या वेळी एक सुपारी आणि हळदीची गाठ ठेवा. पूजा झाल्यानंतर ती सुपारी आणि हळदीची गाठ लाल रंगाच्या कपड्यात बांधून तुमच्या घरातील तिजोरीत ठेवा.
गणेशोत्सवादरम्यान घराच्या मुख्य दरवाजावर आंब्याच्या पानांचे आणि झेंडूच्या फुलांचे तोरण लावा. तसेच दारासमोर सुंदर रांगोळी काढा. मुख्य दार हे माता लक्ष्मीच्या आगमनाचा मार्ग मानला जातो, त्यामुळे ते स्वच्छ आणि सजवलेले असल्यास घरात लक्ष्मीचा वास होतो.
गणपतीची दररोज मनोभावे पूजा करून त्यांना २१ दुर्वांची जुडी आणि मोदकाचा नैवेद्य दाखवा. धार्मिक मान्यतेनुसार, नियमित दुर्वा अर्पण केल्याने घरातील सर्व वास्तू दोष नाहीसे होतात आणि रखडलेले किंवा अडकलेले पैसे मार्गी लागतात.
गणेशोत्सवादरम्यान चांदीचे किंवा भोजपत्रावर लिहिलेले 'श्रीयंत्र' किंवा 'कुबेर यंत्र' घरी आणून त्याची विधीवत पूजा करा आणि ते तुमच्या पैशांच्या तिजोरीत किंवा कपाटात स्थापित करा. यामुळे घरातील नकारात्मक ऊर्जा नष्ट होऊन आर्थिक स्थिरता बळकटीस येते.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.