Shreya Maskar
रवा खोबऱ्याचे मोदक बनवण्यासाठी रवा, तूप, दूध, खोबरे, साखर, पाणी, वेलची पूड, पिस्ता इत्यादी साहित्य लागते.
रवा खोबऱ्याचे मोदक बनवण्यासाठी सर्वप्रथम एका पातेल्यात मंद आचेवर रवा सुमारे पाच मिनिटे परतून घ्या. नंतर, वितळवलेले तूप घालून आणखी ३-४ मिनिटे परतून घ्या. मंद सुगंध येईल.
आता मिश्रणात त्यात दूध घाला. नंतर, किसलेले खोबरे घाला. सर्व एकत्र मिसळून घ्या आणि गॅस बंद करा.
पाक बनवण्यासाठी, एका वेगळ्या पातेल्यात पाणी आणि साखर ३ मिनिटे उकळून घ्या. या वेळेत एकतारी पाक तयार होईल. गॅस बंद करा आणि वेलची पूड घाला.
साखरेचा पाक रव्याच्या मिश्रणात घालून एकत्र मिसळा. रव्याचे मिश्रण गॅसवर ठेवा आणि सर्व व्यवस्थित एकजीव होईपर्यंत थोडा वेळ शिजवा.
मिश्रण ४-५ मिनिटे थंड होऊ द्या. त्यानंतर, त्याचे छोटे गोळे बनवा. गोळे बनत नसल्यास, आणखी एक मिनिट शिजवा.
आता तयार मोदकाचे सारण मोदकाच्या साच्याचा टाकून सुंदर कळीदार मोदक बनवा. त्यावर कापलेला पिस्ता भुरभुरवा.
अशाप्रकारे गणपतीच्या नैवेद्यासाठी रवा खोबऱ्याचे मोदक तयार झाले आहेत. तोंडात टाकताच रवा खोबऱ्याचे मोदक विरघळतील.