Shreya Maskar
गणेश चतुर्थीला खास ड्रायफ्रूट मोदक बनवा. हे मोदक जास्त दिवस ताजे राहतात आणि बनवायला देखील सोपे असतात.
ड्रायफ्रूट मोदक बनवण्यासाठी सर्वप्रथम खजूरच्या बिया काढून लहान तुकड्यांमध्ये कापून घ्या. दुसरीकडे काजू, बदाम आणि पिस्ता बारीक चिरून घ्या.
आता मध्यम आचेवर एक पॅन गरम करा. तिन्ही साहित्य एक एक करून घाला, २-३ मिनिटे भाजून घ्या आणि नंतर एका प्लेटमध्ये काढून ठेवा.
त्याच पॅनमध्ये खसखस घालून २-३ मिनिटे भाजून घ्या. हे सुद्धा एका प्लेटमध्ये काढून ठेवा. लक्षात ठेवा सर्व पदार्थ भाजताना गॅस मंद आचेवर ठेवा.
पुढे, एका पॅनमध्ये तूप गरम करा. नंतर त्यात खजूर आणि मनुका घालून ढवळत २-३ मिनिटे शिजवा. आचेवरून उतरवा, त्यात बदाम, काजू, पिस्ता आणि खसखस घालून चांगले मिसळा.
हे मिश्रण थोडे थंड झाल्यावर ते साच्यात भरून मोदक बनवा. अशाप्रकारे फक्त १० मिनिटांत स्वादिष्ट ड्रायफ्रूट मोदक तयार झाले.
ड्रायफ्रूट मोदक बनवण्यासाठी खजूर, ड्रायफ्रूट (मनुका, बदाम, काजू, पिस्ता), खसखस आणि तूप इत्यादी साहित्य लागते.
ड्रायफ्रूट मोदक १-२ आठवडे ताजे राहतात. फक्त ते हवा बंद डब्यात खोलीच्या तापमानावर ठेवा. कारण यात पाणी, दूध किंवा ओल्या नारळाचा वापर होत नाही.