Shreya Maskar
गगनगड किल्ला हा भारतातील महाराष्ट्र राज्यातील कोल्हापूर जिल्ह्यात गगनबावडा (ज्याला 'बावडा' असेही म्हणतात) जवळ वसलेला आहे. पश्चिम घाटात २,११० फूट उंचीवर वसलेला हा किल्ला कोल्हापूर शहरापासून पश्चिमेकडे साधारण ५५ किमी अंतरावर आहे.
११९० मध्ये राजा भोज (दुसरे) यांनी बांधलेला गगनगड किल्ला 'गगनगिरी महाराज मठ' आणि आसपासच्या दाट वर्षावनांसाठी प्रसिद्ध आहे.
'गगनगड' किल्ला २,११० फूट उंचीवर असलेला एक ऐतिहासिक डोंगरावरील किल्ला आहे. इतिहासप्रेमींनी या ठिकाणाला नक्की भेट द्या.
'गगनगड' किल्ला पावसाळ्यात ट्रेकिंगसाठी बेस्ट ऑप्शन आहे. पावसाच्या पाण्याने येथील निसर्ग बहरून येतो. आयुष्यात एकदा तरी या ठिकाणाला भेट द्या.
छत्रपती शिवाजी महाराजांनी १६५८ मध्ये विजापूरच्या सल्तनतीकडून गगनगड किल्ला जिंकून घेतला आणि त्यानंतर त्याची तटबंदी दुरुस्त करून ती अधिक मजबूत केली. हा किल्ला दख्खनचे पठार आणि कोकण किनारपट्टी यांच्यातील महत्त्वाच्या व्यापारी मार्गांचे रक्षण करण्याच्या दृष्टीने अत्यंत मोक्याची भूमिका बजावत होता.
कोल्हापूर रेल्वे स्टेशनला उतरून तुम्ही पुढे रिक्षा किंवा बसने गगनगड किल्ल्याच्या पायथ्याशी पोहचला. कोल्हापूर ते गगनबावडा हे अंतर ५५ किमी आहे.
कोल्हापूरला गेल्यावर महालक्ष्मी (अंबाबाई) मंदिर, रंकाळा तलाव, राधानगरी (दाजीपूर) वन्यजीव अभयारण्य आणि पन्हाळा किल्ला यांना नक्की भेट द्या.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.