Shreya Maskar
अगुआडा किल्ला हा गोव्यातील एक महत्त्वाचा, ऐतिहासिक पोर्तुगीज किल्ला आहे. हा किल्ला 1612 मध्ये बांधला गेला.
अगुआडा किल्ला अरबी समुद्राच्या काठावर, मांडवी नदीच्या मुखाशी आहे. अगुआडा किल्ल्याचा गोवा मुक्ती संग्रामात महत्त्वाचा सहभाग होता.
पोर्तुगीजांनी डच आणि मराठ्यांच्या आक्रमणांपासून संरक्षणासाठी अगुआडा किल्ला बांधला होता.
अगुआडा किल्ला गोड्या पाण्याच्या साठ्यासाठी प्रसिद्ध आहे. जहाजांसाठी गोड्या पाण्याचा पुरवठा करणारा स्रोत असल्याने किल्ल्याला 'अगुआडा' (पाणी) हे नाव मिळाले.
अगुआडा किल्ला हा पोर्तुगीज लष्करी स्थापत्यकलेचा एक उत्कृष्ट नमुना आहे. अगुआडा किल्ल्यामध्ये भक्कम तटबंदी, बुरुज, खंदक आणि गुप्त मार्ग यांचा समावेश आहे.
अगुआडा किल्ल्यावर पोर्तुगीजांच्या काळात एकूण 79 तोफा होत्या, ज्या बेटाचे रक्षण करण्यासाठी वापरल्या जात असत; हा किल्ला गोव्याच्या उत्तर भागात आहे.
अगुआडा किल्ल्याजवळील दीपगृह हे आशियातील सर्वात जुन्या दीपगृहांपैकी एक आहे. जे 1864 मध्ये बांधले गेले होते. दीपगृह किल्ल्याचाच एक भाग म्हणून ओळखले जाते.
वरील माहिती आम्ही फक्त वाचक-प्रेक्षकांपर्यंत पोहचवत आहोत. वरील माहितीला विकिपीडियाचा संदर्भ आहे.