Surabhi Jayashree Jagdish
सध्या वाढलेल्या उकाड्यामुळे धुळे परिसरातील लोक थंड हवेच्या ठिकाणांची शोध घेत आहेत. धुळ्याजवळ काही अशी सुंदर आणि निसर्गरम्य ठिकाणं आहेत जिथे हवामान थंड आणि प्रसन्न असतं. ही ठिकाणं विकेंड ट्रिपसाठीही अतिशय योग्य आहेत.
तोरणमाळ हे महाराष्ट्रातील एक शांत आणि उंचावर वसलेलं थंड हवेचं ठिकाण आहे. याठिकाणी वर्षभर हवामान तुलनेने थंड आणि आल्हाददायक असतं. दाट जंगलं, धबधबे आणि शांत तलाव यामुळे हे ठिकाण निसर्गप्रेमींसाठी खास आहे.
तोरणमाळला मिनी महाबळेश्वर असंही म्हटलं जातं कारण इथलं हवामान खूपच सुखद असतं. याठिकाणी यशवंत तलाव आणि सती मंदिर ही प्रमुख आकर्षणं आहेत. शहरातील गर्दीपासून दूर शांतता अनुभवण्यासाठी हे सर्वोत्तम ठिकाण आहे.
सापुतारा हे सह्याद्री पर्वतरांगांमध्ये वसलेलं प्रसिद्ध हिल स्टेशन आहे. धुळ्यापासून साधारणपणे कमी अंतरावर असल्यामुळे इथे सहज पोहोचता येतं. उन्हाळ्यातही इथे थंड हवा आणि धुकं अनुभवायला मिळतं.
इगतपुरी हे सह्याद्रीतील एक अतिशय सुंदर आणि थंड हवामान असलेलं ठिकाण आहे. इथे भातसा धरण आणि विपश्यना केंद्र प्रसिद्ध आहेत. हिरव्या डोंगरांनी वेढलेलं हे ठिकाण ट्रेकिंगसाठीही उत्तम आहे.
चिखलदरा हे विदर्भातील एकमेव थंड हवेचं ठिकाण आहे. हे उंच पठारावर वसलेलं असल्यामुळे इथे हवामान कायम थंड राहतं. धुळ्यापासून थोडं लांब असलं तरी निसर्गप्रेमींसाठी हे खास आहे. याठिकाणी मेळघाट व्याघ्र प्रकल्प आणि भीमकुंड ही आकर्षणं आहेत.
भंडारदरा हे धबधबे, तलाव आणि हिरवाईसाठी ओळखलं जाणारं सुंदर हिल स्टेशन आहे. आर्थर लेक, रंधा फॉल्स आणि विल्सन डॅम ही प्रमुख आकर्षणं आहेत. निसर्गाच्या सान्निध्यात वेळ घालवण्यासाठी हे उत्तम ठिकाण आहे.
धुळ्याजवळील ही सर्व ठिकाणं भेटण्यासाठी ऑक्टोबर ते मार्च हा सर्वोत्तम काळ आहे. या काळात हवामान थंड आणि प्रवासासाठी अनुकूल असतं. पावसाळ्यात डोंगर, धबधबे आणि हिरवाईचा पूर्ण आनंद घेता येतो.