ब्युरो रिपोर्ट, साम टीव्ही, मुंबई
महाराष्ट्रात पावसाळ्याला सुरुवात झाली आहे. यासोबतच पर्यटकांमध्ये ट्रेकिंगची ओढ पाहायला मिळत आहे.
तुम्ही देखील तुमच्या मित्रांसह ट्रेकिंगला जाण्याचा प्लान करत आहात, जर मुंबई पुण्याजवळील या सुंदर ट्रेकिंग पॉईंट्सला तसेच किल्ल्यांना भेट द्यायला विसरु नका.
जर तुम्ही पहिल्यांदाच ट्रेकिंगला जात असाल तर लोहगड किल्ल्यापासून सुरुवात करु शकता. येथील नैसर्गिक सुंदरता पाहून मन भारावून जाईल.
लोणावळ्यापासून काही अंतरावर असलेल्या राजमाची किल्ल्यावरुन हिरवेगार डोंगर, ओसंडून वाहणारे धबधबे या सुंदर दृश्यांचा आनंद घेऊ शकता. येथून तुम्हाला सह्याद्री पर्वतरांगाचे दृश्ये देखील पाहायला मिळतील.
तिकोना किल्ल्यावर तुम्हाला आव्हानात्मक ट्रेकिंगचा अनुभव घ्यायला मिळेल. पुण्यापासून काही अंतरावर तिकोना किल्ला आहे.
या ट्रेकवर तुम्हाला नैसर्गिक सुंदरतेने नटलेल्या मनमोहक दृश्यांचा आनंद घ्यायला मिळेल. येथे तुम्हाला लपलेले धबधबे आणि फुलांचे बाग देखील पाहू शकता.
याशिवाय तुम्ही विसापूर किल्ला, देवकुंड धबधबा, कळसुबाई आणि हरिश्चंद्रगड या ठिकाणी देखील ट्रेकिंगला जाऊ शकता.