Surabhi Jayashree Jagdish
पायांमध्ये सतत सूज येणं हे कधी कॅन्सरचं महत्त्वाचं लक्षण असू शकतं. विशेषतः लिंफ नोड्स ब्लॉक झाल्यास द्रव साचून सूज वाढते. ही सूज एका किंवा दोन्ही पायांमध्ये दिसू शकते आणि दिवसेंदिवस वाढत जाते.
पायांमध्ये सतत राहणारी वेदना ही हाडांमध्ये कॅन्सर किंवा त्याचा प्रसार झाल्याचं लक्षण असू शकते. ही वेदना विश्रांतीतही कमी होत नाही आणि वाढत जाते. साध्या वेदनाशामक औषधांनीही ही वेदना कमी होत नाही.
पाठीच्या कण्यावर किंवा पेल्विक भागावर कॅन्सरचा दबाव आल्यास नसांवर परिणाम होतो. त्यामुळे पायांमध्ये मुंग्या येणं, झिणझिण्या किंवा सुन्नपणा जाणवतो. काही वेळा चालताना पाय ओढत चालावं लागतं.
सॉफ्ट टिश्यू सारकोमा प्रकारच्या कॅन्सरमध्ये पायात गाठ तयार होऊ शकते. ही गाठ सुरुवातीला वेदनारहित असते. पण ती हळूहळू वाढत जाते.
त्वचेवरील कॅन्सर पायांवरही दिसू शकतो. यात मोल्सचा रंग, आकार किंवा रूप बदलू शकतो. नवीन जखमा तयार होणे हेही लक्षण असू शकते.
रक्तवाहिन्यांवर किंवा लिंफ नोड्सवर कॅन्सरचा दबाव आल्यास रक्तप्रवाह कमी होतो. त्यामुळे पायांमध्ये जडपणा आणि क्रॅम्प्स जाणवतात. असावेळी चालताना लवकर थकवा येतो.
कॅन्सरची पायांमधील लक्षणं हळूहळू वाढतात आणि कमी होत नाहीत. सुरुवातीला ती साध्या आजारांसारखी वाटतात त्यामुळे अनेकदा दुर्लक्ष होतं. जर ही लक्षणं काही आठवड्यांपेक्षा जास्त काळ टिकली तर डॉक्टरांचा सल्ला घेणं महत्त्वाचं आहे.