Manasvi Choudhary
स्वयंपाकघरातील मसाल्यामध्ये बडीशेपचा वापर केला जातो. बडीशेप केवळ जेवणाची चवच नाहीतर आरोग्यासाठीही फायदेशीर मानली जाते.
आयुर्वेदात बडीशेप औषधी गुणधर्मासाठी ओळखली जाते. बडीशेपमध्ये पोटॅशियम, कॅल्शियम, आयर्न, मॅग्नेशियम आणि अँटीऑक्सिडंट्स भरपूर प्रमाणात असतात.
कोमट दुधात बडीशेप मिक्स करून प्यायल्याने कंबरदुखीसह शरीराच्या अनेक समस्या दूर होतात.
बडीशेपमध्ये दाहक-विरोधी गुणधर्म असतात. दुधातील कॅल्शियम आणि बडीशेपमधील पोषक घटक एकत्र आल्यावर हाडे मजबूत होतात.
बडीशेपमध्ये असणारे एन्झाईम्स आणि फायबर पचनसंस्था सुरळीत ठेवतात. रात्री बडीशेप दूध प्यायल्याने सकाळी पोट व्यवस्थित साफ होते. गॅस, ॲसिडिटी, अपचन आणि पोट फुगण्याच्या समस्येपासून आराम मिळतो.
तुम्हाला जर रात्री वेळेवर झोप येत नसेल किंवा अस्वस्थता जाणवत असेल, तर रात्री झोपण्यापूर्वी १ ग्लास गरम बडीशेपचे दूध प्यावे.
बडीशेपमध्ये व्हिटॅमिन 'ए' असते, जे डोळ्यांच्या आरोग्यासाठी अत्यंत फायदेशीर असते दुधात बडीशेप मिक्स करून प्यायल्याने डोळ्यांची दृष्टी सुधारते.
बडीशेपचे दूध शरीरातील पचनक्रिया वेगाने वाढवते. यामुळे शरीरात अतिरिक्त चरबी साचत नाही आणि वजन नियंत्रणात राहते