Sakshi Sunil Jadhav
मुग सकाळच्या नाश्त्यात खाल्ले पाहिजेत. याने पोट दिवसभर भरल्यासारखं वाटतं. पण काहींना याचा कंटाळा येतो.
तुम्हाला नुसते मुग खाऊन कंटाळा आला असेल तर तुम्ही पौष्टीक असा मुगाचा डोसा सुद्धा तयार करु शकता.
हिरवे भिजवलेले मूग, तांदूळ भिजवलेले, हिरव्या मिरच्या, आलं, जिरं, कोथिंबीर, मीठ, तेल इ.
सर्वप्रथम भिजवलेले मूग आणि तांदूळ मिक्समध्ये काढून घ्या.
मिक्सरमध्ये आलं, जिरं आणि थोडी कोथिंबीर मिक्स करुन थोडं पाणी घाला. आता याची जाडसर पेस्ट बनवा.
आता पिठ एका मोठ्या पातेल्यात काढून घ्या. त्यामध्ये पाणी जास्त नसेल याची खात्री घ्या.
पुढे पिठात चवीपुरतं मीठ घालून मिक्स करा. मग नॉन-स्टिकचा तवा गरम करा.
तव्याला थोडं तेल लावून पसरवून घ्या. मग त्यावर एकपळी पीठ गोलाकारात पसरवा. मग कडेने तेल सोडा.
डोसा खालच्या बाजुने सोनेरी झाला की कुरकुरीत होतो. मग दुसऱ्याबाजून पुन्हा शेकवा आणि नारळाच्या चटणीसोबत सर्व्ह करा.