Shreya Maskar
बाजारात कच्चे फणस आले आहेत. कोकणात बनवतात अगदी तशी झणझणीत फणसाची रस्सा भाजी बनवा. घरातील सर्वजण आवडीने खातील.
फणसाची रस्सा भाजी बनवण्यासाठी कच्चा फणस, सुकं खोबरं, कांदा, आलं, लसूण, टोमॅटो, मालवणी मसाला, लाल तिखट मसाला, धणे पूड, हळद, कोथिंबीर, पाणी , मीठ आणि तेल इत्यादी साहित्य लागते.
फणसाची रस्सा भाजी बनवण्यासाठी सगळ्यात आधी एका पॅनमध्ये पाणी, मीठ, कच्च्या फणसाचे तुकडे आणि हळद टाकून ५ मिनिटे व्यवस्थित उकडवून घ्या.
पॅनमध्ये तेल गरम करून त्यात सुकं खोबरं २ ते ३ मिनिटे भाजून घ्या आणि एका ताटात काढा.
पॅनमध्ये सुकं खोबरं भाजल्यानंतर कांदा - टोमॅटो, आलं, लसूण भाजून मिक्सरमध्ये वाटून घ्यावे. मसाला जास्त पातळ किंवा घट्ट होणार नाही, याची काळजी घ्या.
पुन्हा पॅन गरम करून त्यात तयार वाटण टाका आणि त्यानंतर यात सर्व मसाले तुमच्या आवडीनुसार मिक्स करा. त्यानंतर धणे पूड, हळद घाला.
आता यात पाणी, कच्च्या फणसाच्या उकडवून तुकडे घालून एक उकळी काढून घ्यावी. शेवटी भाजीवर हिरवीगार कोथिंबीर भुरभुरवून घ्या.
फणस कुकरला लावताना गरे आणि बिया वेगळ्या करून वाफवून घ्या. तसेच कच्चा फणस भाजीसाठी वापरा. तुम्ही भाजीत शेंगदाण्याचा कूट देखील टाकू शकता.