Sakshi Sunil Jadhav
कच्च्या फणसाची कोकणी पद्धतीची भाजी चविष्ट, मसालेदार आणि नारळाच्या स्वादाने भरलेली असते. कोकणात ही भाजी खूप प्रसिद्ध आहे.
500 ग्रॅम कच्चा फणस, 1 कप ताजा किसलेला नारळ, 2 कांदे, 4-5 लसूण पाकळ्या, 1 इंच आलं 2 ते 3 सुकी लाल मिरची, 1 चमचा धणे, पाव चमचा जिरे, अर्धा चमचा हळद, 1 चमचा लाल तिखट, 8 ते 10 कढीपत्त्याची पानं, 2 चमचे तेल, चवीनुसार मीठ, कोथिंबीर सजावटीसाठी इ.
सर्वप्रथम कच्च्या फणसाचे मध्यम आकाराचे तुकडे करून स्वच्छ धुवा. त्यानंतर थोडं मीठ आणि हळद घालून 10 मिनिटं उकळून घ्या.
कढईत धणे, जिरे, सुकी लाल मिरची आणि अर्धा नारळ हलका सोनेरी होईपर्यंत भाजून घ्या.
भाजलेले मसाले, आले आणि लसूण थोडे पाणी घालून बारीक वाटून घ्या.
कढईत तेल गरम करून त्यात कढीपत्ता आणि चिरलेला कांदा घाला. कांदा सोनेरी होईपर्यंत परता.
कांदा परतल्यावर तयार मसाला घालून 3-4 मिनिटे चांगला परता. त्यात हळद, लाल तिखट आणि चवीनुसार मीठ घालून सर्व साहित्य एकजीव करा. उकडलेले फणसाचे तुकडे मसाल्यात घालून हलक्या हाताने मिसळा.
त्यात हळद, लाल तिखट आणि चवीनुसार मीठ घालून सर्व साहित्य एकजीव करा. उकडलेले फणसाचे तुकडे मसाल्यात घालून हलक्या हाताने मिसळा. उरलेला किसलेला नारळ व अर्धा कप गरम पाणी घालून झाकण ठेवून 10-15 मिनिटे मंद आचेवर शिजवा.
भाजी शिजल्यावर वरून कोथिंबीर भुरभुरा आणि गरमागरम भाकरी, पोळी किंवा वाफाळत्या भातासोबत सर्व्ह करा.