Shreya Maskar
फणसामध्ये व्हिटॅमिन सी, फायबर, पोटॅशियम आणि अँटिऑक्सिडंट्स मुबलक असते. ज्यामुळे वजन नियंत्रण राहते. हाडे मजबूत होतात. रोगप्रतिकारक शक्ती वाढवणे, पचनक्रिया सुधारते.
फणसाची गोड पोळी बनवण्यासाठी फणसाचा गर, साखर किंवा गूळ, तूप इत्यादी साहित्य लागते. तुम्ही यात ड्रायफ्रूट पेस्ट देखील टाकू शकता.
फणसाची गोड पोळी बनवण्यासाठी सर्वप्रथम एक रसाळ फणसाची निवड करा. त्यानंतर फणस फोडून बिया आणि गरे वेगळे करा.
फणसाचे गरे कोमट पाण्यात स्वच्छ धुवून घ्या. त्यानंतर फणसाच्या गऱ्यांचे काप करा.
आता मिक्सरमध्ये फणसाच्या गऱ्यांचे काप, साखर किंवा गूळ घालून चांगली पातळ पेस्ट वाटून घ्या. यामध्ये एक थेंबही पाणी टाकू नका.
तुम्हाला आवडत असेल तर काही ड्रायफ्रूट पाण्यात स्वच्छ करून मिक्सरला वाटून त्याची पेस्ट बनवा. ही पेस्ट फणसाच्या मिश्रणात टाका.
शेवटी एका ताटाला तूप लावून तयार मिश्रण त्यात चांगले पसरवून घ्या. हे ताट २-३ दिवस उन्हात आणि पंख्याखाली वाळवा. जेणेकरून फणसाची पोळी छान सुकेल. त्यानंतर फणसाच्या गोड पोळीचा आस्वाद घ्या.
उन्हाळा म्हटले की फणसाचा सीझन येतो. तुम्ही फणसाची भाजी, फणसाचे चिप्स, फणसाची पुरी, फणसाचे कटलेट्स या रेसिपी बनवू शकता.