ब्युरो रिपोर्ट, साम टीव्ही, मुंबई
बहुतेक महिला चेहऱ्यावरील केस काढण्यासाठी वॅक्सिंग किंवा थ्रेडिंगचा वापर करतात.
अनेक महिला घरीच शेव्हिंग एपिलेटर आणि फेशियल वॅक्सचा वापर करतात.
जर तुम्ही पहिल्यांदाच चेहऱ्यावर वॅक्सिंग करणार असाल तर वॅक्सिंगची योग्य पद्धत माहीत असणे गरजेचे आहे.
सर्वप्रथम तुम्हाला तुमचा स्कीन टाइप म्हणजेच त्वचेचा प्रकार माहीत पाहिजे. सेंसिटिव्ह स्कीनवर रेझर किंवा वॅक्सिंग केल्याने त्वचेवर जळजळ होऊ शकते.
चेहऱ्यावरील केस काढण्यापूर्वी, माइल्ड म्हणजेच सौम्य फेसवॉशने चेहरा धुवा. वॅक्सिंगपूर्वी त्वचेवरील तेल आणि घाण काढून टाकणे महत्वाचे आहे.
जर तुम्ही रेझर किंवा एपिलेटर वापरत असाल तर ते नवीन आणि स्वच्छ असल्याची खात्री करा. गंजलेल्या किंवा जुन्या ब्लेडमुळे जखमा होऊ शकतात.
चेहऱ्यावरील केस काढल्यानंतर लगेच त्वचेवर मॉइश्चरायझर लावा.