Shruti Vilas Kadam
रेझरच्या मदतीने चेहऱ्यावरील केस पटकन काढता येतात. मात्र केस मुळापासून निघत नसल्याने काही दिवसांत पुन्हा वाढू शकतात.
शेव्ह केल्यामुळे केस प्रत्यक्षात जाड किंवा अधिक काळे होत नाहीत. मात्र कापलेल्या केसांचे टोक बोथट असल्याने ते वाढताना जाड दिसू शकतात.
वॅक्सिंगमुळे केस मुळासकट निघत असल्याने शेव्हिंगच्या तुलनेत परिणाम जास्त काळ टिकू शकतो. मात्र संवेदनशील त्वचेवर लालसरपणा किंवा जळजळ होऊ शकते.
अतिसंवेदनशील त्वचा, अॅक्ने किंवा त्वचेची समस्या असल्यास वॅक्सिंगमुळे त्रास वाढू शकतो. त्यामुळे त्वचेचा प्रकार लक्षात घेणे महत्त्वाचे आहे.
लेझर हेअर रिमूव्हल केसांच्या मुळांवर लक्ष केंद्रित करते. केसांची वाढ दीर्घकाळासाठी कमी करण्यासाठी हा पर्याय उपयुक्त ठरू शकतो.
लेझर ट्रीटमेंटचा परिणाम एका सिटिंगमध्ये मिळत नाही. केसांची जाडी, त्वचेचा रंग आणि हार्मोनल घटकांनुसार अनेक सिटिंग्सची आवश्यकता असू शकते.
शेव्हिंग, वॅक्सिंग किंवा लेझर यापैकी कोणता पर्याय योग्य आहे हे त्वचेचा प्रकार, केसांची वाढ आणि संवेदनशीलता यावर अवलंबून असते. गरज असल्यास त्वचारोगतज्ज्ञांचा सल्ला घ्या.