Shruti Vilas Kadam
काकडी आणि अॅलोवेरा दोन्हीही त्वचेला थंडावा देतात. उन्हाळ्यात किंवा उन्हामुळे झालेली त्वचेची जळजळ कमी करण्यासाठी हा नैसर्गिक उपाय खूप फायदेशीर ठरतो.
काकडीत पाण्याचे प्रमाण जास्त असते, तर अॅलोवेरा त्वचेला खोलवर मॉइश्चर देतो. त्यामुळे त्वचा मऊ, तजेलदार आणि हायड्रेट राहते.
अॅलोवेरामध्ये अँटीबॅक्टेरियल गुणधर्म असतात, तर काकडी त्वचा शांत ठेवते. त्यामुळे पिंपल्स आणि त्यांचे डाग कमी होण्यास मदत होते.
डोळ्यांखालील काळी वर्तुळे कमी करण्यासाठी काकडी आणि अॅलोवेरा जेल लावणे फायदेशीर ठरते. यामुळे त्वचेला थंडावा मिळतो आणि सूजही कमी होते.
काकडी आणि अॅलोवेराचा नियमित वापर केल्यास त्वचेतील मृत पेशी कमी होतात आणि चेहरा अधिक फ्रेश व ग्लोइंग दिसू लागतो.
एक लहान काकडी किसून घ्या आणि त्यात १-२ चमचे अॅलोवेरा जेल मिसळा. हे मिश्रण चांगले एकजीव करून फेसपॅक तयार करा.
तयार केलेला फेसपॅक चेहऱ्यावर 15-20 मिनिटे लावा. त्यानंतर कोमट पाण्याने चेहरा धुवा. आठवड्यातून 2-3 वेळा हा उपाय केल्यास त्वचा निरोगी आणि चमकदार राहते.