Shruti Vilas Kadam
1 चमचा चंदन पावडर घ्या. त्यात 2 चमचे ताजे अॅलोवेरा जेल मिसळा. दोन्ही घटक एकत्र करून गुळगुळीत पेस्ट तयार करा. ही पेस्ट स्वच्छ चेहऱ्यावर आणि मानेवर लावा. 15 ते 20 मिनिटे सुकू द्या. त्यानंतर साध्या पाण्याने चेहरा धुवा. आठवड्यातून 2 ते 3 वेळा हा फेसपॅक वापरू शकता.
अॅलोवेरा आणि चंदन या दोन्ही घटकांमध्ये थंडावा देणारे गुणधर्म असतात. त्यामुळे त्वचेची जळजळ आणि लालसरपणा कमी होण्यास मदत होते.
या फेसपॅकमधील अँटी-बॅक्टेरियल गुणधर्म त्वचेवरील जीवाणू कमी करण्यास मदत करतात, ज्यामुळे मुरुमांची समस्या कमी होऊ शकते.
नियमित वापरामुळे त्वचेवरील निस्तेजपणा कमी होऊन चेहरा अधिक तजेलदार आणि फ्रेश दिसू शकतो.
तेलकट त्वचा असणाऱ्यांसाठी हा फेसपॅक फायदेशीर ठरू शकतो. तो त्वचेतील अतिरिक्त तेल नियंत्रित करण्यात मदत करतो.
उन्हामुळे त्वचेवर आलेला टॅन कमी करण्यासाठी अॅलोवेरा आणि चंदन पावडर उपयुक्त मानली जाते.
अॅलोवेरा त्वचेला नैसर्गिक आर्द्रता प्रदान करते, ज्यामुळे त्वचा कोरडी पडत नाही.
सतत वापर केल्यास चेहऱ्यावरील हलके डाग आणि असमान त्वचेचा रंग सुधारण्यास मदत मिळू शकते.