Shruti Vilas Kadam
एका वाटीत २ चमचे तांदळाचं पाणी आणि १ चमचा अॅलोवेरा जेल मिसळा. हे मिश्रण चेहऱ्यावर लावा आणि १५-२० मिनिटांनी थंड पाण्याने धुवा. आठवड्यातून २-३ वेळा वापरू शकता.
अॅलोवेरा जेल त्वचेला ओलावा देण्याचं काम करतं. कोरडी आणि निस्तेज त्वचा मऊ आणि फ्रेश दिसण्यासाठी हा उपाय फायदेशीर ठरू शकतो.
अॅलोवेरामधील अँटीबॅक्टेरियल गुण आणि तांदळाच्या पाण्यातील शांत करणारे घटक त्वचेवरील जळजळ आणि पिंपल्स कमी करण्यास मदत करू शकतात.
तांदळाचं पाणी नैसर्गिक टोनरप्रमाणे काम करू शकतं. त्यामुळे त्वचेवरील ओपन पोर्स कमी दिसून त्वचा अधिक स्मूथ वाटू शकते.
उन्हामुळे त्वचा काळवंडली असेल तर तांदळाचं पाणी आणि अॅलोवेरा जेल त्वचेला थंडावा देऊन टॅन कमी करण्यास मदत करू शकतात.
तांदळाच्या पाण्यात व्हिटॅमिन्स आणि अँटीऑक्सिडंट्स असतात, तर अॅलोवेरा त्वचेला हायड्रेट ठेवण्यास मदत करतं. दोन्ही एकत्र वापरल्यास त्वचेवर नैसर्गिक चमक दिसू शकते.
प्रत्येकाची त्वचा वेगळी असते. त्यामुळे हा उपाय वापरण्यापूर्वी हातावर किंवा मानेजवळ पॅच टेस्ट करणं सुरक्षित ठरतं.