Shruti Vilas Kadam
2 चमचे ताजी कोरफड जेल घ्या. त्यामध्ये 1/4 चमचा हळद मिसळा. हे मिश्रण चेहऱ्यावर 10 ते 15 मिनिटे लावून ठेवा. त्यानंतर कोमट पाण्याने चेहरा धुवा. आठवड्यातून 2 ते 3 वेळा वापरल्यास चांगला परिणाम दिसू शकतो.
हळदीमध्ये अँटीबॅक्टेरियल गुणधर्म असतात, तर कोरफड त्वचेला शांत ठेवते. या दोन्हींचा एकत्र वापर केल्याने पिंपल्सची समस्या कमी होण्यास मदत होऊ शकते.
संवेदनशील त्वचेवर होणारी जळजळ, खाज किंवा लालसरपणा कमी करण्यासाठी कोरफड आणि हळदीचा फेस पॅक उपयुक्त ठरू शकतो.
चेहऱ्यावरील जुन्या पिंपल्सचे डाग, टॅनिंग आणि पिग्मेंटेशन कमी करण्यासाठी या नैसर्गिक घटकांचा नियमित वापर फायदेशीर मानला जातो.
कोरफड त्वचेला खोलवर हायड्रेट करते. त्यामुळे त्वचा कोरडी पडत नाही आणि नैसर्गिक मऊपणा टिकून राहतो.
अँटीऑक्सिडंट्सने समृद्ध असलेली कोरफड आणि हळद त्वचेवरील बारीक रेषा व सुरकुत्या कमी करण्यासाठी उपयुक्त ठरू शकते.
धूळ, प्रदूषण आणि अतिरिक्त तेलामुळे बंद झालेली छिद्रे स्वच्छ करण्यास हा फेस पॅक मदत करतो, त्यामुळे त्वचा अधिक फ्रेश दिसते.
कोरफडमध्ये असलेले अँटीऑक्सिडंट्स आणि हळदीतील कर्क्युमिन त्वचेचा निस्तेजपणा कमी करण्यास मदत करतात. नियमित वापरामुळे चेहरा अधिक उजळ आणि ताजातवाना दिसू शकतो.