Shruti Vilas Kadam
टॅल्कम पावडर त्वचेवरील अतिरिक्त तेल आणि ओलावा शोषून घेऊ शकते. त्यामुळे चेहरा काही काळ मॅट आणि कमी तेलकट दिसतो.
पावडरमुळे त्वचेचा चिकटपणा कमी झाल्याने चेहरा फ्रेश दिसू शकतो. मात्र, हा परिणाम तात्पुरता असतो.
काही प्रकारच्या पावडरमधील घटक त्वचेवर जमा झाल्यास ओपन पोर्स बंद होऊ शकतात. त्यामुळे पिंपल्स किंवा ब्लॅकहेड्सचा त्रास वाढण्याची शक्यता असते.
रोज चेहऱ्यावर पावडर लावल्यामुळे त्वचेतील नैसर्गिक ओलावा कमी होऊ शकतो. विशेषतः कोरडी किंवा संवेदनशील त्वचा असणाऱ्यांनी काळजी घ्यावी.
संवेदनशील त्वचा असल्यास काही सुगंधी किंवा इतर घटकांमुळे लालसरपणा, खाज किंवा जळजळ जाणवू शकते.
चेहऱ्यावर पावडर वापरायची असल्यास त्वचेसाठी योग्य आणि नॉन-कॉमेडोजेनिक उत्पादन निवडणे फायदेशीर ठरू शकते.
टॅल्कम पावडर चेहऱ्यासाठी आवश्यक नाही. त्वचेच्या गरजेनुसार मॉइश्चरायझर आणि योग्य स्किनकेअर उत्पादने वापरणे अधिक योग्य ठरू शकते.