Surabhi Jayashree Jagdish
UTI हे लघवी करताना जळजळ होण्याचं एक सामान्य कारण आहे. यासोबत वारंवार लघवी होणं, लघवीला दुर्गंधी येणं किंवा लघवी करताना वेदना होणं अशी लक्षणं दिसू शकतात.
क्लॅमिडिया, गोनोरिया किंवा जननेंद्रियावरील हर्पीज यांसारख्या काही लैंगिक संक्रमणांमुळे लघवी करताना जळजळ होऊ शकते. काही STI मध्ये जननेंद्रियातून असामान्य स्त्राव, खाज किंवा वेदना यांसारखी लक्षणंही दिसू शकतात.
किडनी स्टोन मूत्रमार्गातून खाली येताना वेदना आणि लघवी करताना जळजळ निर्माण करू शकतो. यासोबत कंबर, पाठ किंवा पोटाच्या खालच्या भागात तीव्र वेदना होऊ शकतात. काही वेळा लघवीमध्ये रक्तही दिसू शकतं.
मूत्रमार्गाला सूज आल्यास लघवी करताना जळजळ किंवा वेदना होऊ शकतात. शिवाय यामुळे वारंवार लघवी लागणं आणि लघवी करताना अस्वस्थता जाणवू शकते. अशा लक्षणांचं कारण UTI व्यतिरिक्त इतरही असू शकतं. त्यामुळे गरजेनुसार डॉक्टर तपासणी करतात.
पुरुषांमध्ये प्रोस्टेट ग्रंथीची सूज किंवा प्रोस्टेट वाढल्यामुळे लघवीशी संबंधित त्रास होऊ शकतो. लघवी सुरू होण्यास वेळ लागणं, धार कमी होणं अशी लक्षणं त्यासोबत दिसू शकतात. मात्र लघवीतील जळजळ ही केवळ प्रोस्टेट वाढल्यामुळेच होतं असं नाही.
कमी पाणी प्यायल्यास लघवी अधिक गडद आणि दाट होऊ शकते, त्यामुळे काही लोकांना लघवी करताना जळजळ जाणवू शकते. काही सुगंधी साबण, स्प्रे किंवा इंटिमेट हायजीन प्रोडक्ट्समुळे संबंधित भागी जळजळ होऊ शकते.
लघवी करताना जळजळ असल्यास सुरुवातीला Urine Routine & Microscopy ही एक महत्त्वाची तपासणी केली जाते. ज्यातून लघवीमध्ये पांढऱ्या रक्तपेशी, लाल रक्तपेशी, बॅक्टेरिया किंवा इतर असामान्यता आहे का याची माहिती मिळू शकते. मात्र अनेकदा Urine Routine पुरेशी नसून डॉक्टरांच्या सल्ल्याने संबंधित अतिरिक्त तपासण्या कराव्या लागतात.
ही माहिती विविध सार्वजनिक स्रोतांवर आधारित असून केवळ सामान्य माहितीसाठी देण्यात आली आहे. या माहितीची स्वतंत्र वैद्यकीय पडताळणी आम्ही केलेली नाही. कोणतीही लक्षणे आढळल्यास स्वतः निष्कर्ष काढण्याऐवजी तज्ज्ञ डॉक्टरांचा सल्ला घ्या.