Shreya Maskar
एपिलेप्सी ज्याला 'अपस्मार', 'मिरगी', 'फिट्सचा आजार' असेही म्हणतात. हा मेंदूचा एक दीर्घकालीन (क्रोनिक) न्यूरोलॉजिकल विकार आहे.
आपल्या मेंदूतील मज्जातंतू पेशी विचारांची आणि हालचालींची देवाणघेवाण करण्यासाठी विजेचे संदेश तयार करतात. एपिलेप्सीमध्ये, मेंदूतील या विद्युत आणि रासायनिक क्रियांमध्ये अचानक आणि असामान्य बदल होतो.
जेव्हा हे असामान्य विद्युत सिग्नल वारंवार आणि विनाकारण तयार होतात, तेव्हा व्यक्तीला झटके किंवा फेफरे (Seizures) येतात.
प्रत्येक वेळी फिट येणे म्हणजे एपिलेप्सी नसते, परंतु वारंवार फिट्स येतात, तेव्हा त्या स्थितीला एपिलेप्सी म्हटले जाते.
फिट आल्यावर घाबरून न जाता रुग्णाजवळ थांबा. रुग्णाच्या डोक्याखाली मऊ ऊशी ठेवे, जेणेकरून दुखापत होऊ नये. तातडीने वैद्यकीय मदत घ्या. आजूबाजूच्या धोकादायक वस्तू बाजूला ठेवा.
व्यक्ती बेशुद्ध किंवा पूर्णपणे शुद्धीवर नसल्यास, हालचाली थांबल्यानंतर तिला हळूच कुशीवर वळवा आणि श्वास तपासा.
रुग्णाला जबरदस्तीने पकडून ठेवू नका. तोंडात चमचा, बोट, पाणी, औषध किंवा इतर कोणतीही वस्तू घालू नका. पूर्ण शुद्धीवर येईपर्यंत खायला-प्यायला देऊ नका.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.