ब्युरो रिपोर्ट, साम टीव्ही, मुंबई
तुम्ही महाकाय हत्ती आणि मुंगीची कहाणी ऐकली असेलच. पण हत्ती मुंगीला घाबरत नाही तर या लहान प्राणीला घाबरतो.
हत्ती मुंगी नाही तर मधमाशीला घाबरतो. काही संशोधनातून असे दिसून आले आहे की, मधमाशांचा आवाज ऐकताच हत्ती अंतर राखतात.
मधमाशा थव्याने हल्ला करतात, त्यांनी चावल्यास तीव्र वेदना होतात. हत्तीची त्वचा जाड असते, परंतु त्याची सोंड आणि डोळे यासारखे भाग मधमाश्यांच्या हल्ल्यापासून वाचू शकत नाहीत.
हत्तीची सोंड अत्यंत संवेदनशील असते आणि ती त्याच्या श्वासोच्छवासाचा मुख्य स्रोत असते. जर मधमाशा सोंडेवर हल्ला करतात तर वेदना आणि सूज यामुळे हत्तीला श्वास घेण्यास त्रास होऊ शकतो.
मधमाशांच्या मोठ्या आवाजामुळे हत्ती अस्वस्थ होतात. या कारणांमुळे हत्ती मधमाश्यांपासून दूर राहण्याचा प्रयत्न करतात.
तज्ञांच्या मते, आफ्रिका आणि आशियातील जंगली हत्तीची अनेकदा मधमाशांच्या पोळ्यांशी न कळता टक्कर लागते. पण एकदा त्यांच्यावर मधमाशांनी हल्ला केला की त्यांना ते समजते.
काही संशोधनातून असे दिसून आले आहे की जंगलातील हत्ती मधमाशांचा भुनभुनन्याचा आवाज ऐकताच पळून जातात.
अनेक ठिकाणी शेतकरी हत्तींपासून पिकांचे संरक्षण करण्यासाठी मधमाशांचा वापर करतात.