Shruti Vilas Kadam
अंड्यांमध्ये व्हिटॅमिन डी आणि फॉस्फरससारखे पोषक घटक असतात. व्हिटॅमिन डी शरीराला कॅल्शियम शोषून घेण्यास मदत करते. त्यामुळे दिवसाची सुरुवात करण्यासाठी दोन अंडी उत्तम पर्याय आहे.
दोन मोठ्या उकडलेल्या अंड्यांमधून साधारण १२ ते १३ ग्रॅम प्रोटीन मिळतात. प्रोटीन स्नायूंची वाढ आणि शरीरातील पेशींच्या कार्यासाठी महत्त्वाची असतात. त्यामुळे संतुलित आहारात अंड्यांचा समावेश फायदेशीर ठरू शकतो.
उकडलेल्या अंड्यांमध्ये प्रोटीन असल्यामुळे पोट जास्त वेळ भरलेले राहण्यास मदत होते. त्यामुळे वारंवार भूक लागण्याचे प्रमाण कमी होऊ शकते. मात्र, वजन कमी होण्यासाठी एकूण आहार आणि शारीरिक हालचालीही महत्त्वाच्या आहेत.
अंड्यांमध्ये कोलीन नावाचा महत्त्वाचा पोषक घटक असतो. हा घटक मेंदू, मज्जासंस्था आणि स्मरणशक्तीसाठी आवश्यक असतो. त्यामुळे अंडी खाल्ल्याने शरीराची कोलीनची गरज पूर्ण होण्यास मदत होते.
अंड्याच्या पिवळ्या बलकामध्ये ल्युटीन आणि झिअ‍ॅक्सॅन्थिन हे अँटिऑक्सिडंट्स असतात. हे घटक डोळ्यांच्या आरोग्यासाठी महत्त्वाचे असून वयानुसार होणाऱ्या काही डोळ्यांच्या समस्यांचा धोका कमी करण्यास मदत करू शकतात.
दोन उकडलेल्या अंड्यांमधून साधारण १४० ते १६० कॅलरीज मिळतात. त्यामध्ये व्हिटॅमिन बी१२, व्हिटॅमिन ए आणि सेलेनियमसारखे पोषक घटक असतात. हे घटक शरीरात एनर्जी निर्माण करायचे काम करतात.
अंड्याच्या पिवळ्या बलकामध्ये कोलेस्टेरॉल असते. त्यामुळे हा पिवळा बलक खाणे शक्यतो टाळावे. रोज दोन अंडी खाणे प्रत्येकासाठी योग्य असेलच असे नाही. त्यामुळे डॉक्टरांचा सल्ला आवश्यक घ्यावा.