ब्युरो रिपोर्ट, साम टीव्ही, मुंबई
आजकालची बदलती जीवनशैली आणि खाण्यापिण्याच्या चुकीच्या सवयी यामुळे डायबिटीज सारख्या आजारांचे प्रमाण वाढत चालले आहे.
मधुमेहाचे टाइप १ मधुमेह आणि टाइप २ मधुमेह से दोन प्रकार आहेत. हे दोन्हीही मधुमेह आरोग्यासाठी धोकादायक आहेत.
आज आम्ही तुम्हाला अशा काही गोष्टींबद्दल सांगणार आहोत, ज्यांचा आहारात समावेश करून तुम्ही टाइप-२ मधुमेहापासून बऱ्याच प्रमाणात बचाव करू शकता.
आहारात मोड आलेल्या कडधान्यांचा समावेश करा. यामध्ये व्हिटॅमिन सी, व्हिटॅमिन ए, व्हिटॅमिन बी कॉम्पलेक्स आयरन आणि मॅग्नेशियम सारखे पोषक तत्व असतात.
टाइप २ डायबिटीजसाठी ड्राय फ्रुट्स आरोग्यदायी मानला जातो. विशेषतः अंजीर सर्वोत्तम मानले जाते. यामध्ये व्हिटॅमिन, पोटॅशियम, कॅल्शियम आणि आयरन असते.
बेरीज आपल्या आरोग्यासाठी खूप फायदेशीर आहेत. त्यामध्ये असलेले फायबर, व्हिटॅमिन-सी, पोटॅशियम, मँगनीज आणि अँटी-ऑक्सिडंट्स आपल्याला टाइप-२ मधुमेहापासून वाचवतात.
संत्री हे फळ व्हिटॅमिन-सी, पोटॅशियम, कॅल्शियम आणि फायबरचे समृद्ध स्रोत आहे. टाइप-२ मधुमेह टाळण्यासाठी तुम्ही संत्री खावीत. परंतु ही फळं मर्यादित प्रमाणात खा.