Manasvi Choudhary
उकडीचे मोदक खायला सर्वांनाच आवडतात. गणरायाचे प्रिय मानले जाणारे मोदक घरी बनवण्याची रेसिपी अत्यंत सोपी आहे.
अनेकांना उकडीचे मोदक घरी बनवता येत नाही. यासाठी आज आम्ही सोपी रेसिपी तुम्हाला सांगणार आहोत.
उकडीचे मोदक बनवण्यासाठी तांदळाचे पीठ, किसलेले नारळ, गूळ, साजूक तूप, वेलची पावडर, मीठ हे साहित्य घ्या.
उकडीचे मोदक बनवण्यासाठी गॅसवर सर्वप्रथम एका भांड्यात तूप घाला. तूपामध्ये किसलेले खोबरे मिक्स करून परतून घ्या.
यानंतर या मिश्रणात गूळ घालून मिश्रण एकजीव करा. गॅसवर मध्यम आचेवर हे मिश्रण चांगले एकजीव करा.
मिश्रण घट्ट झाले की त्यात वेलची पावडर घाला अशाप्रकारे मोदकाचे सारण तयार होईल.
आता दुसऱ्या बाजूला गॅसवर एका भांड्यात तूप घला त्यात थोडे मीठ घाला आणि मिक्स करा. नंतर यात पाणी घाला.
पाण्याला उकळी आली की त्यात तांदळाचे पीठ थोडं घालून मिक्स करा. नंतर पीठ थंड करा आणि मळून घ्या.
पीठाचे गोळे करा ते चपटे करा आणि त्यात सारण घाला. नंतर पीठाचे प्लीट्स गोळा करून बिंदूचा आकार द्या. अशाप्रकारे उकडीचे गरमागरम मोदक तयार होतील.