ब्युरो रिपोर्ट, साम टीव्ही, मुंबई
उन्हाळ्यात लहान मुलांना कलिंगड खाण्यास खूप आवडते. थंडगार कलिंगड मुले आवडीने खातात आणि कलिंगड ज्यूस देखील पितात.
मुलांनाही ब्रेडसोबत जाम खायला आवडते. या उन्हाळ्यात त्यांना घरी बनवलेला कलिंगड जाम खायला द्या.
कलिंगड जॅम बनवण्यासाठी कलिंगड, पेक्टिन, डालचिनी, वेलची पावडर, साखर आणि लिंबाचा रस इत्यादी साहित्य लागते.
सर्वात आधी कलिंगड कापून त्यातील बीया काढून घ्या. नंतर मिक्सरमध्ये टाकून त्याची प्युरी बनवून घ्या.
एक भांडे घ्या त्यात प्युरी टाका आणि ती जाडसर होईपर्यंत शिजवून घ्या. त्यात साखर मिक्स करा.
पेक्टिन बाजारात सहज उपलब्ध होणारी वस्तू आहे. हे जॅम जाड करण्यासाठी टाकले जाते. ते कलिंगडाच्या प्युरीमध्ये मिक्स करा.
शिजलेली प्युरी थोडी जाड दिसू लागली की त्यात चिमूटभर लिंबाचा रस, दालचिनी किंवा वेलची पावडर मिक्स करा.
जाम खुप घट्ट होईपर्यंत शिजवत राहा. नंतर ते थंड होऊ द्या. थंड झाल्यावर एका बरणीत भरा आणि फ्रिजमध्ये ठेवा.
मुलांना चपाती किंवा ब्रेडसोबत कलिंगड जॅम सर्व्ह करा. हा जॅम बराच काळ साठवता येतो.