Manasvi Choudhary
वजन कमी करण्यासाठी आहारात पौष्टिक आणि संतुलित पदार्थाचा समावेश करणे महत्वाचे आहे. वजन कमी करण्यासाठी अनेकजण हेल्दी डाएट फॉलो करतात.
पालक टिक्की घरी बनवण्याची रेसिपी अत्यंत सोपी आहे. तुम्ही सोप्या पद्धतीने ही रेसिपी बनवू शकता.
पालक टिक्की बनवण्यासाठी पालक, बटाटे, आलं- लसूण पेस्ट, हिरवी मिरची, बेसन, कॉर्नफ्लोअर, तांदळाचे पीठ, रवा, मसाले, हळद , तेल हे साहित्य एकत्र करा.
पालक टिक्की बनवण्यासाठी सर्वातआधी पालक बारीक चिरून घ्या. त्यानंतर गॅसवर भांड्यामध्ये गरम पाण्यात पालक उकळून घ्या.
दुसऱ्या बाजूला बटाटे सोलून त्याचे बारीक तुकडे करा आणि गॅसवर कुकरमध्ये बटाटे उकडून घ्या.
एका मोठ्या भांड्यामध्ये उकडलेले बटाटे आणि पालक एकत्र करा.
नंतर या मिश्रणात आले-लसूण पेस्ट, हिरव्या मिरचीची पेस्ट, हळद, धने-जिरे पावडर, गरम मसाला आणि चवीनुसार मीठ मिक्स करा.
मिश्रण एकत्र करण्यासाठी त्यात बेसन किंवा कॉर्नफ्लॉवर मिक्स करा म्हणजे टिक्कीचे कोटिंग तयार होईल.
त्यानंतर हाताला थोडे तेल लावून या मिश्रणाचे छोटे गोळे बनवा आणि त्यांना गोल किंवा चपटे टिक्कीप्रमाणे शेप द्या.
टिक्की कुरकुरीत होण्यासाठी तांदळाच्या पिठात किंवा रव्यात मिक्स करा आणि तव्यावर तेलामध्ये शॅलो फ्राय करा.