Manasvi Choudhary
ब्रेस्ट कॅन्सर ह महिलांसाठी गंभीर आजारापैंकी एक आहे. सध्या ब्रेस्ट कॅन्सरचा धोका हा महिलांमध्ये दिवसेंदिवास वाढत चालला आहे. पुरूषांपेक्षा महिलांना ब्रेस्ट कॅन्सरचा धोका अधिक होतो.
ब्रेस्ट कॅन्सर सुरूवातीलाच ओळखला तर त्यावर वेळेत उपाय करणे आरोग्यासाठी फायदेशीर होईल.
यासाठी बेस्ट कॅन्सरची सुरूवातीची लक्षणे तुम्हाला माहित असणे महत्वाचे आहे. या लक्षणांकडे तुम्हीच वेळीच लक्ष दिल्यास या आजाराचा मोठा धोका टळू शकतो.
स्तनाचा कर्करोगामध्ये गाठ किंवा वेदनाच होते असं नाही तर सुरूवातीची लक्षणे सूक्ष्म असतात जी डोळ्यांना किंवा स्पर्शाला जाणवत नाही.
स्तनांच्या आकारात बदल होणे तसेच एक स्तन दुसऱ्या स्तनापेक्षा वेगळा दिसल्यास लक्ष देणे महत्वाचे आहे.
स्तनाग्रे आत वळणे किंवा स्तनाग्रांभोवती खाज सुटणे हे देखील स्तनाच्या कर्करोगाचे सुरूवातीच लक्षण असू शकते.
स्तनाच्या कर्करोगाची गाठ सुरूवातीला वेदना देत नसली तरी स्तनांमध्ये कडकपणा किंवा मंद वेदना होतात. सतत या समस्या होत असल्यास तुम्ही वैद्यकीय सल्ला घ्या.
त्वचेवर डिंपलिंग होणे म्हणजे स्तनाग्रांची त्वचा संत्र्याच्या सालीसारखी कोरडी वाटते. हे स्तनाग्रांच्या त्वचेच्या सामान्य पोतपेक्षा खूप वेगळे आहे. हे स्तनाच्या कर्करोगाचे लक्षण आहे.
स्तनपान न करताही स्तनाग्रातून रक्तरंजित द्रव किंवा दुधाळ द्रव बाहेर पडणे हे कर्करोगाचे लक्षण असू शकते.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.