Surabhi Jayashree Jagdish
भारतीय क्रिकेट संघाचा टी-२० कर्णधार सूर्यकुमार यादव आणि त्याची पत्नी देविशा शेट्टी आई-बाबा झाले आहेत. सूर्यकुमार यादवने नुकतेच भारतीय संघाला २०२६ च्या टी-२० वर्ल्डकप स्पर्धेत विजय मिळवून दिला.
सध्या आयपीएल सुरु असून सूर्यकुमार यादव मुंबई इंडियन्सच्या टीमकडून खेळतो. सूर्याची पत्नी देविशा हिने एका सुंदर मुलीला जन्म दिला आहे.
मैदानावर त्याच्या ३६०-डिग्री शॉट्ससाठी ओळखल्या जाणाऱ्या या स्टार खेळाडूच्या घरी आता एका नव्या पाहुण्याचं आगमन झालंय. तो मुंबई इंडियन्सच्या पुढील आयपीएल सामन्यात खेळणार का हे अजून स्पष्ट झालेलं नाही.
सूर्यकुमार यादवने २०१६ मध्ये देविशा शेट्टीशी लग्न केलं होतं. मूळचा मुंबईचा असलेला सूर्यकुमारचं शिक्षण शहरातच झालं. याठिकाणी त्याची भेट देविशाशी झाली.T20 World Cup
सूर्या आणि देविशा यांची लव्हस्टोरी कॉलेजमध्ये सुरु झाली होती. देविशा शेट्टीला तिच्या कॉलेजच्या दिवसांमध्ये डान्सची खूप आवड होती. कॉलेजमधील एका कार्यक्रमादरम्यान सूर्य तिच्या प्रेमात पडला. येथूनच त्यांच्या प्रेमकथेला सुरुवात झाली.
या वर्षी मार्च महिन्यात देविशा शेट्टीच्या डोहाळे जेवणाचे काही फोटो सोशल मीडियावर व्हायरल झाले होते. त्यामध्ये सूर्या आणि देविशा एका हॉलमध्ये एन्ट्री घेत होती. हा व्हिडिओ समोर आल्यानंतर सूर्याची पत्नी गरोदर असल्याचं समजलं.
सध्या मुंबई इंडियन्सच्या टीमसाठी सूर्याचा फॉर्म हा खूप मोठा चिंतेचा विषय आहे. यंदाच्या आयपीएलमध्ये सूर्याला चांगला खेळ करता आलेला नाही. मीडिया रिपोर्ट्सनुसार, सूर्यकुमार यादव टीमसोबत रायपूरला गेलेला नाही.