Shreya Maskar
पावसाळ्यात जेवणाची चव वाढवण्यासाठी घरी झटपट दुधी भोपळ्याचा रायता बनवा.
दुधी भोपळ्याचा रायता बनवण्यासाठी दुधी भोपळा, दही, तिखट-मीठ, काळे मीठ , कोथिंबीर, मोहरीचे तेल , हिंग, जिरे, लसूण आणि हिरवी मिरची इत्यादी साहित्य लागते.
दुधी भोपळ्याचा रायता बनवण्यासाठी सर्वप्रथम दुधी सोलून त्याचे तुकडे करून घ्या.
आता १ कप पाणी कुकर मध्ये घालून दुधी भोपळ्याचे तुकडे शिजवून घ्या.
दुधी भोपळा थंड झाल्यावर हाताने मॅश करा.
आता दुधी भोपळ्यामध्ये दही घाला आणि मिश्रण पातळ करून घ्या.
एका छोट्या पॅनमध्ये मोहरीचे तेल , हिंग व जिरे घालून चांगले तडतडून घ्यावे.
या मिश्रणात लसूण आणि हिरवी मिरची घालून एकत्र करून घ्या.
आता फोडणीत लाल तिखट घालून फोडणी थेट दुधी-दहीच्या मिश्रणावर टाका.
रायत्याची आणखी चव वाढवण्यासाठी काळे मीठ आणि बारीक चिरलेली कोथिंबीर घाला.
दुधी भोपळ्याचा रायता खाल्ल्याने पोट थंड होऊन पचनक्रिया सुधारेल.