Shreya Maskar
हिवाळ्यात चांगले पौष्टिक जेवण जेवा. थंडीत हाडांचे आरोग्य बिघडते. त्यामुळे थंडीत मजबूत हाडांसाठी जेवताना एक चमचा तिळाची चटणी खा.
तिळाची चटणी बनवण्यासाठी पॅनमध्ये तीळ टाकून मंद आचेवर हलके गुलाबी होईपर्यंत भाजून घ्या. तीळ भाजताना गॅस मध्यम आचेवर ठेवून द्या.
त्यानंतर किसलेले सुकं खोबरं पॅनमध्ये गोल्डन फ्राय करा आणि ताटात काढून घ्या.
पॅनमध्ये तूप टाकून जिरे आणि लसूण पाकळ्या परतवून घ्या. तुम्ही यात शेंगदाणे देखील भाजून टाकू शकता. कच्चे शेंगदाणे वापरा.
मिक्सरच्या भांड्यात भाजलेले तीळ, खोबरं, लसूण, जिरं, शेंगदाणे, लाल तिखट आणि चवीनुसार मीठ घालून जाडसर चटणी वाटून घ्या. पावडर जास्त बारीक होणार नाही याची काळजी घ्या.
तिळाची चटणी थोडी दाणेदार किंवा जाडसर ठेवावी. जेणेकरून खायला अधिक चवदार लागते. गरमागरम भाकरी, भातासोबत तुम्ही चटणीचा आस्वाद घेऊ शकता.
तयार तिळाची चटणी हवाबंद डब्यात स्टोर करून ठेवा. जेणेकरून ती जास्त काळ टिकते. चटणी फ्रिजमध्ये ठेवा.
तुम्हाला जर चटणी पातळ पेस्ट सारखी हवी असेल तर यात तुम्ही कोमट पाणी मिक्स करा. सकाळी डब्यासाठी ही रेसिपी पटकन उपयोगी येईल.