Shreya Maskar
हिवाळ्यात ओठ फाटण्याची समस्या सर्वाधिक उद्भवते. मात्र तुमचे ओठ वर्षभर वारंवार फाटत असतील तर त्यांची विशेष काळजी घ्या. हे घरगुती उपाय करा. ओठ कापसासारखे मऊ होतील.
कोरड्या ओठांवर थेट लिप बाम लावू नये. आधी मॉइश्चरायझर लावा आणि मग लिप बाम लावा.
ओठांना वारंवार जीभ लावणे टाळा. जेव्हा कोरडे ओठ अधिकच कोरडे होतात, तेव्हा अनेक लोक वारंवार आपले ओठ चाटतात. हे टाळा.ओठ चाटल्याने समस्या आणखी वाढू शकते. लाळेतील एन्झाइम्समुळे ओठांच्या नाजूक त्वचेला त्रास होऊ शकतो आणि लाळ सुकल्यानंतर ओठ पूर्वीपेक्षा जास्त कोरडे होतात.
मॅट लिपस्टिकच्या अतिवापरामुळे फाटलेल्या ओठांची समस्या आणखी वाढू शकते. काही काळासाठी मॅट लिपस्टिक वापरणे टाळा. त्याऐवजी, तुम्ही ग्लॉसी किंवा मॉइश्चरायझिंग लिपस्टिक वापरू शकता.
शरीरात पाण्याची कमतरता असल्यास ओठ कोरडे पडू शकतात. दिवसभर नियमितपणे पाणी प्या. तसेच डाएटमध्ये ज्यूसचा समावेश करा. नारळपाणी प्या.
खोबरेल तेल काही लोकांना ओठांचा कोरडेपणा कमी करण्यास मदत करते. सूर्यप्रकाशामुळे ओठांचा कोरडेपणा आणि नुकसान वाढू नये म्हणून चांगले लिप बाम वापरा.
कोरड्या आणि फाटलेल्या ओठांची समस्या सहसा काही दिवसांतच सुटते. परंतु ओठ सतत फाटत असतील, रक्त येत असेल किंवा सूज आणि जळजळ होत असेल, तर डॉक्टरांचा सल्ला घ्या.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.