Shruti Vilas Kadam
1 कप बदाम, 1 कप काजू, ½ कप पिस्ते, ½ कप अक्रोड, 8-10 खजूर (बिया काढलेले), 2-3 टेबलस्पून तूप, ½ टीस्पून वेलची पूड आणि सजावटीसाठी चिरलेले ड्रायफ्रूट.
बदाम, काजू, पिस्ते आणि अक्रोड मंद आचेवर 3-4 मिनिटे हलके भाजून घ्या. पूर्ण थंड झाल्यावर त्याची जाडसर पूड करून घ्या.
खजूर मिक्सरमध्ये बारीक वाटून घ्या. खजूर नैसर्गिक गोडवा देतात, त्यामुळे वेगळी साखर घालण्याची गरज पडत नाही.
कढईत तूप गरम करून त्यात खजुराची पेस्ट परता. त्यानंतर ड्रायफ्रूटची पूड आणि वेलची पूड घालून सर्व मिश्रण चांगले एकजीव होईपर्यंत हलवा.
तुपाचा हलका हात लावलेल्या ट्रे किंवा ताटात हे मिश्रण पसरवा. वरून चिरलेले पिस्ते किंवा बदाम घालून हलके दाबा.
मिश्रण 1 ते 2 तास थंड होऊ द्या किंवा 30 मिनिटे फ्रिजमध्ये ठेवा. त्यानंतर आवडीनुसार चौकोनी किंवा डायमंड आकारात कापा.
प्रथिने, हेल्दी फॅट्स आणि फायबरने भरपूर असलेली ही ड्राय फ्रूट बर्फी सण-उत्सव, पाहुणचार किंवा मुलांच्या डब्यासाठीही उत्तम पर्याय ठरते. योग्य डब्यात भरून 8 ते 10 दिवस सहज साठवून ठेवता येते.