Manasvi Choudhary
आपल्यापैकी अनेकांना चहा पिण्याची सवय असते. अनेकजण सकाळी उठताना आणि रात्री झोपताना चहा पितात.
मात्र चहा प्यायल्याने आरोग्यावर देखील परिणाम होतो. डायबिटीजच्या रूग्णांनी चहा प्यायल्याने रक्तातील साखरेवर त्याचा परिणाम होतो का?
चहा डायबिटीजच्या रूग्णांसाठी घातक नसली तरी त्याचे प्रमाण महत्वाचे आहे. रोज योग्य प्रमाणात चहा प्यायल्यास रक्तातील साखरेवर परिणाम होणार नाही.
जर तुम्ही दिवसभरात २ ते ३ कप साखर आणि दूध घालून बनवलेला चहा प्यायल्यात तर तुमच्या शरीरात कॅलरीज आणि ग्लुकोजचे प्रमाण वाढते आणि याचा परिणाम रक्तातील साखरेवर होतो. साखर अचानक वाढते किंवा अचानक कमी होऊ शकते.
डायबिटीजचे रूग्ण दुधाच्या चहाऐवजी ब्लॅक टी किंवा ग्रीन टी पिऊ शकता. हे दोन्ही चहाचे प्रकार शरीरातील इन्सुलिनची कार्यक्षमता सुधारण्यास मदत करतात.
ब्लॅक टी आणि ग्रीन टीमध्ये पॉलीफिनल्स आणि अँटीऑक्सिडंट्स भरपूर असतात, जे रक्तातील साखरेची पातळी नियंत्रणात ठेवण्यास मदत करतात.
चहा बनवताना त्यात आलं किंवा लवंग टाकले तर डायबिटीजच्या रूग्णांसाठी फायद्याचे ठरू शकते. हर्बल आणि मसालेदार चहा रक्तातील साखरेवर नियंत्रण ठेवण्यास मदत करतो आणि पचनक्रिया देखील सुधरवतो.