Sakshi Sunil Jadhav
नाश्त्यासाठी रोज पोहे खाऊन कंटाळा आला, तर आपण डोसा तयार करतो. मात्र डोसा बनवताना अनेकांना अडथळे येतात.
डोसा बनवताना बऱ्याच वेळा तो तव्याला चिकटतो, फुटतो किंवा आकाराने गोल होत नाही. पण काही सोप्या टिप्स वापरल्यास तुमचा डोसा झटपट, क्रिस्पी आणि परफेक्ट बनेल.
डोसा बनवण्यासाठी कास्ट लोखंडी किंवा नॉन-स्टिक तवा वापरा. तवा जाडसर आणि गरम ठेवणे महत्त्वाचे आहे.
अतिगरम तव्यावर डोसा घातल्यास तो चिकटतो. तव्यावर थोडं पाणी टाकून तपासा जर पाणी लगेच वाफ झालं तर तवा योग्य गरम आहे.
प्रत्येक डोशाच्या आधी तव्यावर कांद्याचा तुकडा किंवा तेलात भिजवलेला कापडाने हलकं तेल चोळा. यामुळे डोसा चिकटत नाही.
खूप पातळ किंवा खूप घट्ट बॅटर नको. दह्यासारखं थोडं गाढ असावं. बॅटर ८ ते १० तास झाकून ठेवा. चांगलं फर्मेंट झालं की डोसा मऊ आणि फुलका होतो.
तवा ओला असेल तर डोसा व्यवस्थित पसरत नाही. डोसा घालण्याआधी तवा कोरडा असावा. मोठ्या गोलाकार हालचालीत हलक्या हाताने बॅटर पसरवा. जोराने पसरवल्यास डोसा फाटतो.
खूप तेल टाकल्यास डोसा कुरकुरीत न होता मऊ राहतो. एक-दोन थेंब पुरेसे आहेत.
वरची बाजू कोरडी दिसल्यावरच उलटा करा. लवकर उलटल्यास तो फुटतो.