Sakshi Sunil Jadhav
फणस हे सर्वांच्या आवडीचे खाल्ले जाणारे फळ आहे. त्यामध्ये खूप प्रमाणात पोषक घटक असतात. पण डायबेटीज असलेल्या रुग्णांनी फणस किती प्रमाणात खावा, कच्चा फणस जास्त फायदेशीर आहे का हे जाणून घेणे महत्त्वाचे आहे.
फणसामध्ये जीवनसत्त्वे, खनिजे, फायबर आणि अँटिऑक्सिडंट्स मोठ्या प्रमाणात असतात. त्यामुळे रोगप्रतिकारक शक्ती वाढण्यास मदत होते.
फणसाच्या गरामध्ये अंडाजे २ टक्के प्रथिने, १ टक्का फॅट, ७४ टक्के पाणी आणि २३ टक्के कार्बोहायड्रेट्स असतात.
कच्च्या फणसामध्ये फायबरचे प्रमाण जास्त असल्यामुळे तो डायबेटीजच्या रुग्णांसाठी चांगला ऑप्शन मानला जातो. त्यापासून विविध पौष्टिक पदार्थ तयार करता येतात.
डायबेटीजच्या रुग्णांनी पिकलेला फणस कमी प्रमाणातच खावा. साधारण १०० ते १२० ग्रॅम फणस खाल्ल्याने रक्तातली साखर अचानक वाढण्याची शक्यता कमी असते.
कच्च्या फणसापासून भाजी, सूप, बिर्याणी, फ्राईड राईस, करी तसेच इतर चविष्ट पदार्थ बनवता येतात. तो मांसाहारी पदार्थांना पर्याय म्हणूनही वापरला जातो.
फणसामध्ये पोटॅशियमचे प्रमाण चांगले असल्यामुळे हाय ब्लड प्रेशर नियंत्रित ठेवण्यास मदत होऊ शकते. पणऔषधांचा पर्याय म्हणून त्याकडे पाहू नका.
फणसातले पोटॅशियमचे प्रमाण जास्त असल्यामुळे किडनीच्या आजाराने त्रस्त असलेल्या रुग्णांनी डॉक्टरांच्या सल्ल्याशिवाय फणस खाऊ नये.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.