Surabhi Jayashree Jagdish
आपल्या रोजच्या जीवनात आपण अनेक वस्तू पाहतो. काही गोष्टींकडे आपलं लक्ष जातं, तर काही गोष्टी आपण सहज दुर्लक्ष करतो.
दैनंदिन वापरातल्या अनेक गोष्टींचा आपण कधी अर्थ लावण्याचा प्रयत्नही करत नाही. पण त्यामागे अनेकदा महत्त्वाचं कारण असतं.
आज आपण अशाच एका गोष्टीबद्दल जाणून घेणार आहोत, जिचा उपयोग माहित असूनही बहुतेकांना त्यामागचं कारण माहीत नसतं. ही गोष्ट काय आहे ते पाहूयात.
घरांच्या लाकडी दरवाज्यांवर बॉक्स टाइप किंवा चौकोनी डिझाइन असतं. ही रचना जवळपास प्रत्येक घरात पाहायला मिळते. अनेक घरांमध्ये ती आजही वापरात आहे.
बहुतेक लोकांना वाटतं की ही रचना केवळ डिझाइनसाठी असते. मात्र प्रत्यक्षात यामागे महत्त्वाचं कारण आहे. ही रचना दरवाज्याच्या मजबुतीसाठी उपयोगी ठरते.
दरवाज्यावर दिसणाऱ्या या आयताकृती रचनेला ‘रेज्ड पॅनल’ असं म्हणतात. ही रचना लाकडाला नैसर्गिक बदलांपासून संरक्षण देते. विशेषतः लाकडाच्या हालचाली नियंत्रित करण्याचं काम ती करते.
लाकूड ओलावा आणि हवामानामुळे फुगतं किंवा आकुंचन पावतं. यामुळे दरवाज्यात तडे जाण्याची शक्यता वाढते. रेज्ड पॅनलमुळे हा धोका कमी होतो आणि दरवाजा दीर्घकाळ टिकतो