Shreya Maskar
दिवाळी स्पेशल बिस्किट्स बनवण्यासाठी मैदा, पिठीसाखर, तूप, बेकिंग पावडर, वेलची पूड, दूध, मीठ आणि बदाम इत्यादी साहित्य लागते.
बिस्किट्स बनवण्यासाठी सर्वप्रथम एका बाऊलमध्ये तूप आणि पिठीसाखर एकत्र करून चांगले फेटून घ्या. मिश्रण हलके आणि मऊ झाले की त्यात मैदा, बेकिंग पावडर, वेलची पूड आणि मीठ घाला.
सर्व साहित्य एकत्र करून मऊसर कणीक तयार करा. कणीक कोरडी वाटल्यास थोडे दूध घाला. कणीक खूप घट्ट मळू नका. कणकेचा गोळा लाटून घ्या.
बिस्किटांच्या साच्याने किंवा छोट्या वाटीच्या मदतीने गोल अथवा आवडीचे आकार कापून घ्या. वरून काजू किंवा बदामाचे तुकडे लावा.
ओव्हन १७०°C वर प्रीहीट करा. बिस्किटे बेकिंग ट्रेमध्ये थोड्या अंतरावर ठेवा आणि साधारण १२–१८ मिनिटे बेक करा. कडा किंचित सोनेरी झाल्या की बाहेर काढा. ओव्हननुसार वेळ बदलू शकतो.
बिस्किटे पूर्णपणे थंड होऊ द्या. थंड झाल्यावर ती खुसखुशीत होतात. त्यानंतर हवाबंद डब्यात साठवा.
बिस्किट्स खुसखुशीत होण्यासाठी कणीक जास्त मळू नका अन्यथा बिस्किटे कडक होऊ शकतात. बिस्किटे जास्त वेळ बेक केल्यास ती करपण्याची शक्यता असते.
नानकटाई बिस्किटे, चॉकलेट बिस्किटे, जिरे बिस्किटे, गव्हाच्या पिठाची बिस्किटे, ड्रायफ्रूट बिस्किटे