Manasvi Choudhary
अवघ्या काही दिवसांवर दिवाळी हा सण आला आहे. दिवाळीपूर्वी सर्वजण घराची साफसफाई करतात.
दिवाळीपूर्वी घराची व्यवस्थित स्वच्छता केल्याने माता लक्ष्मी प्रसन्न होते आणि घरात सुख-समृद्धी व संपत्ती नांदते.
दिवाळीपूर्वी घराची साफसफाई करताना काही महत्वाच्या गोष्टींकडे देखील लक्ष देणे महत्वाचे आहे.
जर वारंवार साफसफाई करूनही घरात सतत धूळ साचत असेल, तर खिडक्या आणि दारांच्या कडांवरील छोट्या-मोठ्या भेगा सिलिकॉन किंवा पुट्टीच्या सहाय्याने बंद करा. यामुळे बाहेरील धूळ थेट घरात येण्यापासून रोखता येते.
मुख्य दाराखाली किंवा खोल्यांच्या दारांखाली मोठी फट असेल, तर त्यातून उंदीर, झुरळे घरात शिरू शकतात तसेच मोठ्या प्रमाणावर धूळ येते. या समस्येसाठी 'डोअर गार्ड' किंवा रबर स्ट्रिपचा वापर करा.
वास्तुशास्त्रानुसार मुख्य प्रवेशद्वार हे सकारात्मक ऊर्जेचे ठिकाण मानले जाते ते स्वच्छ करा.
घरातील गालिचे आणि डोरमॅट्सवर सर्वाधिक धूळ साचलेली असते. दिवाळीपूर्वी हे सर्व साहित्य कडक उन्हात वाळवून किंवा व्हॅक्यूम क्लीनरने पूर्णपणे स्वच्छ करून घ्या.
खोलीची साफसफाई करताना आपण सहसा समोरची जागा साफ करतो, पण पलंगाच्या मागे किंवा मोठ्या कपाटाखाली वर्षभर साचलेली जळमटे आणि धूळ तशीच राहते. फर्निचर थोडे सरकवून ही घाण स्वच्छ करा.
NEXT: Vajarasana Benefits: जेवल्यानंतर वज्रासनात बसण्याचे चमत्कारिक फायदे! पचनक्रिया आणि वजन कमी करण्यासाठी फायदेशीर