Shreya Maskar
दिवाळी हा प्रकाशाचा आणि आनंदाचा सण आहे. या दिवशी घराच्या प्रवेशद्वारापासून देवघरापर्यंत पणत्या, दिवे लावले जातात. वास्तुशास्त्रानुसार, दिवे ठेवण्याची योग्य दिशा जाणून घ्या. देवी लक्ष्मीची कृपा कायम तुमच्यावर राहील.
अंधारावर प्रकाशाचा विजय म्हणून दिवे लावले जातात. दिव्यांनी घर उजळून निघते. नवीन सुरुवातीचे प्रतीक आहे. समृद्धीचे स्वागत होते.
ईशान्य दिशा म्हणजे उत्तर आणि पूर्व यांच्यामधील दिशा. ही दिशा पूजेसाठी आणि आध्यात्मिक कार्यांसाठी शुभ मानली जाते. देवघरात किंवा पूजेच्या जागी दिवा लावण्यासाठी ही दिशा निवडली जाते.
पूर्व दिशा ही सूर्य उगवण्याची दिशा असल्याने तिला नवीन सुरुवात, प्रकाश आणि ज्ञानाचे प्रतीक मानले जाते. सकाळच्या पूजेसाठी पूर्व दिशेला दिवा लावा. दिवाळीच्या सजावटीसाठी पूर्वेकडील खिडकी किंवा प्रवेशभागात पणत्या लावता येतात
उत्तर दिशा ही कुबेराशी आणि धन-समृद्धीशी संबंधित मानली जाते. या दिशेला दिवा लावल्याने आर्थिक समृद्धी मिळते, अशी धार्मिक श्रद्धा आहे.
दिवाळीत घराच्या प्रवेशद्वारावर पणत्या लावा. मुख्य दरवाजा स्वच्छ करून दोन्ही बाजूंना दिवे लावणे शुभ मानले जाते. प्रवेशद्वारावर प्रकाश असणे हे स्वागत, आनंद आणि शुभारंभाचे प्रतीक मानले जाते.
दक्षिण दिशा, अंधारे आणि अस्वच्छ कोपरे या ठिकाणी दिवाळीत पणती- दिवे लावू नये.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं कुठलेही समर्थन अथवा दावा करत नाही.