ब्युरो रिपोर्ट, साम टीव्ही, मुंबई
जॉर्जिया येथे झालेल्या अंतिम सामन्यात दिव्या देशमुखने ३८ वर्षीय कोनेरू हम्पीचा पराभव करत महिला जागतिक बुद्धिबळ वर्ल्डकपचे विजेतेपद जिंकले.
दिव्या ही नागपूरची राहणारी आहे. तिची बहीण बॅडमिंटन खेळायची तेव्हा ती बहिणासोबत जायची. तिथे तिला बुद्धिबळात रस निर्माण झाला. दिव्याने २०१२ मध्ये ७ वर्षांखालील राष्ट्रीय बुद्धिबळ स्पर्धा जिंकून राष्ट्रीय पातळीवर आपली ओळख निर्माण केली.
दिव्या देशमुखचे आई-वडील डॉ. जितेंद्र आणि डॉ. नम्रता देशमुख दोघेही डॉक्टर आहेत.
दिव्याने २०२३ मध्ये आंतरराष्ट्रीय मास्टर जिंकले तर २०२४ मध्ये वर्ल्ड ज्यूनियर गर्ल्स U- 20 चॅम्पियसह नंबर १ खेळाडू बनली. दिव्याने २०१४ मध्ये दक्षिणअफ्रिका येथील डरबनमध्ये Under-10 आणि २०१७ मध्ये ब्राजीलमधील १२ वर्षाखालील जागतिक युवा जेतेपद जिंकले.
२०२१ मध्ये दिव्या महिला ग्रँडमास्टर बनली तसेच विदर्भातील पहिली महिला ग्रँडमास्टर होण्याचा इतिहास रचला.
चेन्नईतील बुद्धिबळ गुरुकुलमध्ये ग्रँडमास्टर आरबी रमेश यांच्या मार्गदर्शनाखाली दिव्याने तिच्या कौशल्यावर आणखी काम केले.
दिव्याने ऑलिंपियाडमध्ये तीन वेळा सुवर्णपदक जिंकले. आशियाई चॅम्पियनशिप आणि वर्ल्ड ज्युनियर चॅम्पियनशिप स्पर्धेतही सुवर्णपदक जिंकले आहे.
दिव्या देशमुख ही ग्रँडमास्टर होणारी चौथी भारतीय महिला खेळाडू आहे. तिच्या आधी कोनेरू हम्पी, आर वैशाली आणि हरी द्रोणवल्ली यांनी ग्रँडमास्टरचे विजेतेपद पटकावले आहे.