Shreya Maskar
तुमच्या पायांना सतत या समस्य होत असतील तर तुम्हाला मधुमेहाचा धोका असू शकतो. मधुमेहाची लक्षणे जाणून घ्या आणि वेळीच सावध व्हा.
आपले पाय आपल्या संपूर्ण शरीराचे वजन घेतात. पायांमधील रक्ताभिसरण कमी होणे किंवा मज्जातंतूंचे कार्य नीट न होणे हे आरोग्यासाठी धोकादायक आहे. मधुमेह रक्ताभिसरण आणि मज्जातंतूंचे कार्य या दोन्हीवर परिणाम करतो.
अनेक लोकांना पायाला मुंग्या येतात. सतत बसल्यामुळे असे होत असावे, असे ही लोक गृहीत धरतात. परंतु हे मधुमेहाचे लक्षण असू शकते. हे मज्जातंतूंच्या नुकसानाचे लक्षण असू शकते.
अनेक लोकांना पोटऱ्यांमध्ये जळजळ जाणवते. ही समस्या बहुतेकदा जास्त चालण्यामुळे किंवा थकव्यामुळे उद्भवते. तसेच मज्जातंतूंच्या कार्यातही अडथळा आल्याने असे होऊ शकते.
कधीकधी पायांच्या तळव्यांचे तापमान बदलते. काही लोकांचे पाय खूप थंड होतात, तर काहींचे खूप गरम होतात. हे बहुतेकदा रक्तवाहिन्यांना झालेल्या नुकसानीमुळे होते.
पायांच्या घोट्यांच्या आणि पोटऱ्यांच्या त्वचेच्या रंगात बदल होतो. ते अधिक गडद दिसतात किंवा त्यावर डाग पडतात. रक्तातील साखरेचे प्रमाण वाढल्याने रक्तवाहिन्यांवर परिणाम होतो, ज्यामुळे त्वचेत बदल होतात.
पायांवरील केस झपाट्याने कमी होत असेल तर हे मधुमेहाचे लक्षण आहे. हे रक्ताभिसरण कमी झाल्यामुळे होते. मधुमेहामध्ये केसांच्या मुळांपर्यंत पुरेसे पोषक तत्व आणि ऑक्सिजन पोहोचत नाहीत.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.