Shreya Maskar
हिवाळ्यात सकाळच्या नाश्त्याला झटपट धपाटे बनवा. मुलांच्या डब्यासाठी देखील हा पदार्थ उत्तम आहे.
धपाटे बनवण्यासाठी ज्वारीचे पीठ, गव्हाचे पीठ, बेसन, दही, पाणी, मीठ, हिंग, ओवा, धणे-जिरे पूड, हळद, लाल तिखट, हिरवी मिरची, तेल, पांढरे तीळ, कोथिंबीर, कांदा इत्यादी साहित्य लागते.
धपाटे बनवण्यासाठी सर्वप्रथम मोठ्या बाऊलमध्ये ज्वारीचे पीठ, गव्हाचे पीठ, बेसन मिक्स करून घ्या. सर्व पीठ एकदा चाळून घ्या.
त्यानंतर पिठात चवीनुसार मीठ, लाल तिखट , हिंग, हळद, धणे-जिरे पूड , तीळ घालून मिश्रण एकजीव करा. पीठाला सर्व मसाले लागतील याची काळजी घ्या.
यात कोथिंबीर बारीक चिरून टाका. त्यानंतर हिरव्या मिरची, कांदा घालून पीठ एकजीव करा. हिरवी मिरची जास्त तिखट असणार नाही, याची काळजी घ्या.
त्यानंतर मिश्रणात दोन चमचे दही, तेल, पाणी टाकून पीठ मळून घ्या. दही तुमच्या आवडीनुसार टाका. जेणेकरून तुम्हाला पदार्थाची चव आवडेल.
पोळपाटावर ओला कपडा ठेवा आणि त्यावर पाणी लावा. त्यानंतर पीठाचे छोटे गोळे करून धपाटे थापून घ्या.
तवा तापला की, त्यावर तेल टाका आणि धपाटे गोल्डन फ्राय करा. खमंग धपाटे च‌टणी किंवा दह्यासोबत खा.