ब्युरो रिपोर्ट, साम टीव्ही, मुंबई
१ पॅकेट मशरुम, १ इंच दालचीनी, २ ते ३ वेलची, १ काळी वेलची, ४-५ लवंग, २ ते ३ तेजपत्ता, अर्धा कप दही.
१ ग्लास बासमती तांदूळ, २ मध्यम कापलेले कांदे, १ बारिक कापलेले टॉमेटो, १ स्टार फुल, १ चमचे जीरे, २ हिरव्या मिरच्या
सर्वात आधी तांदूळ धुवून ३ ते ४ तास भिजवत ठेवा. नंतर गरम पाण्यात गरम मसाले टाकून तांदुळ शिजवण्यास ठेवा. भात ७०% शिजवून घ्या.
बिर्याणी बेससाठी, एका पॅनमध्ये तेल गरम करा. त्यात चिरलेला कांदा आणि आले-लसूण पेस्ट आणि संपूर्ण मसाले (जिरे, दोन्ही वेलची, लवंगा, दालचिनी, बडीशेप, तमालपत्र) घाला आणि परतून घ्या.
आता टोमॅटो घाला आणि ते मऊ आणि गुळगुळीत होऊन द्या .मऊ झाले की, हिरव्या मिरच्या, लाल तिखट, बिर्याणी मसाला किंवा गरम मसाला घाला.
दही घाला आणि मसाले पुन्हा ढवळून घ्या. पूर्णपणे एकत्र होईपर्यंत २-३ मिनिटे थांबा. चिरलेले मशरूम घाला आणि ४-५ मिनिटे परतून घ्या.
आता, आर्धा शिजनलेला भात आणि पाणी घाला. मीठ टाका आणि सर्व मिश्रण चांगले मिक्स करा. झाकण ठेवून मध्यम आचेवर भात फुगून येईपर्यंत शिजवा.
स्वादिष्ट मशरूम बिर्याणी तयार आहे. रायत्याच्या वाटीसोबत गरमागरम सर्व्ह करा.