Sakshi Sunil Jadhav
पुणे रेल्वे स्थानकावर डेक्कन क्वीनच्या ९६ व्या वर्धापनदिनानिमित्त विशेष कार्यक्रमाचे आयोजन करण्यात आले.
प्लॅटफॉर्म क्रमांक १ वर सकाळपासूनच रेल्वेप्रेमी, प्रवासी आणि नागरिकांची गर्दी पाहायला मिळाली.
वाढदिवसानिमित्त बँड पथकाने सादर केलेल्या सुरेल वादनामुळे कार्यक्रमाला विशेष रंगत आली.
उपस्थित रेल्वेप्रेमी आणि प्रवाशांनी एकत्रितपणे केक कापून ‘दख्खनची राणी’चा वाढदिवस साजरा केला.
या विशेष कार्यक्रमाचे नियोजन रेल्वे प्रवासी ग्रुपच्या अध्यक्षा हर्षा शहा यांच्या नेतृत्वाखाली करण्यात आले.
दररोज मुंबई-पुणे प्रवास करणाऱ्या हजारो चाकरमान्यांसाठी डेक्कन क्वीन ही सर्वाधिक पसंतीची रेल्वे मानली जाते.
गेल्या अनेक दशकांपासून या गाडीशी प्रवाशांचे भावनिक आणि जिव्हाळ्याचे नाते निर्माण झाले आहे.
डेक्कन क्वीन ही वेळेचे काटेकोर पालन करणाऱ्या रेल्वेंपैकी एक म्हणून ओळखली जाते.
वाढदिवसाचा सोहळा पार पडल्यानंतर डेक्कन क्वीन सकाळी ७.१५ वाजता नियोजित वेळेनुसार मुंबईच्या दिशेने रवाना झाली.