Shreya Maskar
दाल फरा हा प्रामुख्याने उत्तर प्रदेश आणि छत्तीसगड या भारतीय राज्यांमधील एक पारंपारिक आणि लोकप्रिय नाश्त्याचा पदार्थ आहे. तुम्ही देखील रविवारी नाश्त्याला हा पदार्थ बनवा.
दाल फरा बनवण्यासाठी रवा, तांदळाचे पीठ भिजवलेली चण्याची डाळ, तिखट, मीठ, जिरे, आलं, लसूण, हिरवी मिरची, कोथिंबीर, तेल, पाणी, मोहरी , कढीपत्ता इत्यादी साहित्य लागते.
दाल फरा बनवण्यासाठी सर्वप्रथम बाऊलमध्ये रवा, तांदळाचे पीठ, मीठ, पाणी घालून थोडा वेळ भिजवून ठेवा. त्यानंतर चांगली मऊ कणिक मळून घ्या.
मिक्सरच्या भांड्यात भिजवलेली चण्याची डाळ, आलं, लसूण, मीठ, हिरवी मिरची, जिरे टाकून एक जाडसर पेस्ट बनवा. यात भरपूर कोथिंबीर घालायला विसरू नका.
तांदळाच्या पीठाचे छोटे गोळे करून त्यात चण्याच्या डाळीचे मिश्रण भरा आणि त्याचा गोल गोळा करून मध्यभागी कापून घ्या. तुम्ही याला आवडेल तो आकार देऊ शकता.
कुकरमध्ये चाळणी ठेवून त्यात दाल फरा शिजवून घ्या. २०-२५ मिनिटात दाल फरा चांगला वाफवून तयार होईल. तुम्ही दाल फरा तळू देखील शकता.
पॅनमध्ये तेल, मोहरी आणि कढीपत्ता घालून एक तडका तयार करा. यात शिजलेले दाल फराचे तुकडे टाका. वरून तिखट मीठ घालून व्यवस्थित परतून घ्या. अशाप्रकारे चटपटीत दाल फरा तयार झाला आहे.
दाल फरा तुम्ही हिरवी चटणी, टोमॅटो केचपसोबत गरम सर्व्ह करा. याची चव तुम्हाला खूप आवडेल. रेसिपी नक्कीच ट्राय करा.