Shreya Maskar
हिवाळ्यात खास चटपटीत विदर्भ स्पेशल पदार्थ बनवा. साधी-सोपी डाळ भाजी कशी बनवावी, जाणून घेऊयात. साहित्य आणि कृती लिहा.
डाळ भाजी हा विदर्भातील प्रसिद्ध पदार्थ आहे. एक ताट भरून डाळ भाजी आणि भात खाल्यावर पोट भरून जाते आणि मन देखील तृप्त होते.
डाळ भाजी बनवण्यासाठी चणा डाळ, मूग डाळ, तूर डाळ, पालक, शेंगदाणे, टोमॅटो, लसूण, हिरव्या मिरच्या, आल-लसूण पेस्ट, कढीपत्ता, लाल तिखट, धणे पूड, जिरे पूड, हळद, हिंग, काळा मसाला, मीठ आणि तेल इत्यादी साहित्य लागते.
डाळ भाजी बनवण्यासाठी सर्वप्रथम चण्याची डाळ, मूग डाळ, तूर डाळ आणि शेंगदाणे दोन तास भिजत ठेवा.
कुकरमधे तेल टाकून त्यात मोहरी, शेंगदाणे, हिरव्या मिरच्या, कढीपत्ता, हिंग, दाण्याचे कूट, धणे पूड, जिरे पूड, हळद, लाल तिखट, लसूण घालून छान फोडणी करून घ्या.
फोडणीत धुतलेल्या डाळी घालून चांगले परतून घ्या. त्यानंतर यात बारीक चिरलेला पालक, टोमॅटो परतून घ्या. मिश्रणाला छान तेल सुटायला पाहिजे.
शेवटी कुकरमध्ये १ कप पाणी टाकून भाजी १०-१५ मिनिटे चांगली शिजवून घ्या. त्यानंतर थोडा वेळ कुकर थंड करून घ्या.
कुकर थंड झाल्यावर त्यात एका बाऊलमध्ये डाळ भाजी काढून वरून हिरवीगार कोथिंबीर भुरभुरवा. गरमागरम भातासोबत डाळ भाजीचा आस्वाद घ्या.