Shreya Maskar
डहाणू किल्ला (Dahanu Fort) हे १६ व्या शतकात पोर्तुगीजांनी बांधलेला एक जलदुर्ग आहे. तुम्ही येथे वीकेंड प्लान करू शकता.
पोर्तुगीजांनी १५३३-१५३४ च्या सुमारास डहाणू खाडीच्या उत्तर तटावर डहाणू किल्ला बांधला.
ऐतिहासिक डहाणू किल्ल्यामध्ये तहसीलदार कार्यालय आणि कारागृह कार्यरत आहे. पर्यटकांना केवळ किल्ल्याच्या बाहेरील तटबंदीपर्यंत आणि प्रवेशद्वारावरील दोन तोफांपर्यंतच प्रवेश मिळतो.
डहाणू स्टेशनला उतरून तुम्ही पुढे रिक्षाने डहाणू किल्ल्याच्या पायथ्याशी पोहचाल. डहाणू किल्ला डहाणू समुद्रकिनाऱ्याजवळ आहे. गढीला चार भक्कम बुरुज आणि दोन प्रवेशद्वारे आहेत.
सागरी मार्गांचे रक्षण करण्याच्या उद्देशाने पोर्तुगीजांनी या किल्ल्याची उभारणी केली होती. पुढे १७३९ मध्ये चिमाजी आप्पा यांच्या नेतृत्वाखाली मराठ्यांनी हा किल्ला जिंकून घेतला.
डहाणू समुद्रकिनारा हा आपल्या विस्तीर्ण , शांत किनारपट्टीसाठी, सभोवतालच्या चिकूच्या बागांसाठी आणि गर्दीविरहित व शांत वातावरणासाठी सर्वाधिक प्रसिद्ध आहे.
डहाणूजवळ बोर्डी बीच, चिखला बीच , मंदिरे येथे पाहायला मिळतात. तुम्ही समुद्रकिनाऱ्यावर फोटोशूट करू शकता.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.